Се врати „BBC“: Нема да верувате кога последно сите тројца постигнаа гол на еден натпревар

Се врати „BBC“! Доколку ги погледнеме имињата кои стојат зад победата на Реал Мадрид од 4:0 против Алавес, можеме тоа да го заклучиме.

Кристиано Роналдо и Герет Бејл беа стрелци, а две асистнции и гол запиша и Карим Бензема. Французинот се пробуди во вистински момент и така на најдобар начин му се одолжи на Зидан кој му веруваше и покрај мрачните претстави на теренот. Бензема беше многу критикуван по натпреварот во ЛШ против ПСЖ, а многумина пишуваа дека повеќе не заслужува да се најде во првиот состав на „Кралевите“.

Инаку, за прв пат од април 2016. година секој од славното напаѓачко трио на Реал постигна по еден гол.

„Кралевите“ станаа и првиот шпански клуб оваа сезона кој во сите натпреварувања постигна повеќе од 100 гола. Реал е трет во првенството со 51. освоен бод, четири помалку од Атлетико Мадрид и 11 помалку од Барселона.