Саутгејт незадоволен и после големата победа

Англиската репрезентација на фантастичен начин го започна Светското првенство со победа над Иран од 6:2.

Меѓутоа, селекторот Герет Саутгејт не е во целост задоволен од изданието на својот тим, особено во завршницата.

„Малку сум разочаран од тоа како го одигравме крајот, но треба да сме среќни за високата победа. Не би требало да допуштаме два гола во такви моменти од мечот, па ќе мора да се поправиме против САД. Можеби грешките дојдоа бидејќу се опуштивме поради резултатот. Не треба да ја губиме концентрацијата од почеток до крај“, изјави Саутгејт.