Сане одби одмор, денес тренираше сам (видео)

Новото засливање на Баерн Минхен, Лерој Сане денес го одработи првиот тренинг во тренинг центарот на Баварците.

Пред неколку дена германскиот репрезентативец пристигна од Манчестер Сити за 50 милиони евра. Сане одби да замине на одмор како останатите играчи на Баерн и денес тренираше сам со кондициски тренер.

Останатите фудбалери на Баерн се на одмор уште од минатата недела после одигрувањето на последниот меч во сезоната. Сане сака да биде во форма, бидејќи ја пропушто готово цела сезона поради повреда на коленото.

Поради тоа Сане и во следните денови ќе продолжи да тренира во тренинг центарот со цел што побрзо да ја врати формата.

?️ @LeroySane19: "I'm so happy to be here." ?⚪#ServusLeroy #MiaSanMia pic.twitter.com/zO01L5ouxS

— FC Bayern English (@FCBayernEN) July 13, 2020