Само Вардар знае како се победува во Велес! ?

Денес од 13:00 часот во Велес се одигра натпреварот помеѓу Борец и Вардар од првата македонска фудбалска лига.

Гледавме натпревар со повеќе шанси, посебно во првото полувреме. Борец доминираше во првото полувреме, искусниот Пеев ја пропушти најголемата шанса после една грешка во одбраната на Вардар.

И како што обично се случува во фудбалот Вардар ги казни велешани за пропуштените прилики.

Завршницата од натпреварот во целост му припадна на Вардар. Прво Попзлатанов го отвори резултат во 80. минута, а во 91. Цватановски ги постави конечните 0:2.

За Вардар ова беше прва победа после серија од четири натпревари без триумф. Интересно е што од натпреварот на овие два тима минатата сезона на Градскиот стадион во Велес до денес никој не можеше да го победи Борец дома. За Борец ова е прв пораз дома сезонава. Изгледа само вардарци го знаат рецептот за победа на гости во Велес…