Само Анелка пред Хојлунд!

Напаѓачот на Манчестер Јунајтед, Расмус Хојлунд конечно почнува да прикажува настапи какви што се очекуваат од него.

Хојлунд ја започна својата голгетерска серија и изагледа дека Тен Хаг повеќе нема потреба да се грижи за ефикасноста на екипата. Данскиот 21-годишен фудбалер постигна гол и за викендот против Астон Вила и така продолжи да ги реди противниците против кои беше прецизен.

Сега е во низа од пет натпревари на кои погодуваше, започна токму против Астон Вила на „Боксинг деј“, продолжи против Тотенхем, Вулвс и Вест Хем, а сега повторно погоди против Вила.

Само еден играч кој бил помлад од него постигнал пет голови во низа во Премиер лигата. Тоа беше Николас Анелка кога како 19-годишник го носеше дресот на Арсенал.