Руни открива: Видиќ пред тој натпревар секогаш дигаше тегови до изнемоштеност

Вејн Руни овие денови објавува низа интересни колумни за „Сандеј Тајмс“ сега откри интересен детал поврзан за легендарниот Немања Видиќ.

Руни прво објасни поради што Пике кој очигледно имал квалитет не успеал во Премиер лигата, иако помина четири години во Јунајтед пред враќањето во Барселона.

„Болтон на гости, тоа беше натпреварот кога Пике го заврши своето во Јунајтед. Беше многу млад и неискусен, напаѓачите во тоа време беа прилично груби и целосно се губеше. Тогаш Ферги виде дека во тој момент не може да игра во Премиер лигата“, изјави Руни па го спореди со Видиќ.

„И денес ја паметам рутината на Видиќ. Кога и да требаше да гостуваме кај Болтон тој два или три дена претходно дигаше тегови во теретана до изнемоштеност. На тој начин се спремаше и за дуелите со Дрогба“, откри Руни.

Пике иако не успеа во Премиер лигата подоцна направи голема кариера во тоа многу му помогна враќањето во неговата матична Барселона.