Роналдо: Ми зборуваа дека можам до 100 гола за Португалија, јас им одговарав не е доволно

Португалскиот напаѓач Кристиано Роналдо во победата на својот тим против Шведска постигна два гола и така стигна до бројката до 101 гол во репрезентативниот дрес.

По двата гола Роналдо се огласи на Инстаграм.

„Чувствувам гордост поради ова историско достигнување. Кога ми зборуваа дека можам да постигнам 100 гола, јас им зборвував дека тоа не е доволно…101 гол за Португалија“, напиша Роналдо.

Роналдо за сениорската репрезентација дебитираше во 2003 година и одигра 165 натпревари. Беше шампион на Европа во 2016 година и освојувач на Лигата на Нации во 2019.