Киксот против Јанг Бојс во последното коло од групната фаза во Лигата на шампионите Јувентус не го плати скапо, иако на „Чизмата“ веднаш започнаа да се сомневаат во квалитетот на тимот.
Меѓутоа, ако го прашате Кристиано Роналдо, тој е целосно мирен и не е премногу загрижен.
ChatGPT ми беше гостин во поткаст – и не зажалив! ↓↓↓
„Конечно започнува најдобриот дел од Лигата на шампионите. Наскоро ни доаѓаат оние вистинските, најдобрите натпревари. Секако, не сме среќни поради поразот од Јанг Бојс бидејќи сакавме да се обезбедиме уште во првото полувреме. Можев да постигнам неколку голови и да успеев резултатот сигурно ќе беше поинаков. Сега мораме да се фокусираме на првенството и саботното дерби против Торино. Во јануари нас не чека и Суперкупот на Италија со Милан, а потоа се враќа и Лигата на шампионите“, изјави Роналдо.
Потенцијалните ривали на Јувентус во нокаут фазата се Атлетико Мадрид, Шалке, Тотенхем, Ливерпул, Ајакс и Лион.
„Искрено, не размислувам повеќе за тоа и мирен сум – го знам потенцијалнот на овој тим и ги знам своите квалитети“, порача Португалецот.
Учество во игри на среќа е дозволено за лица со 18+ години. Играј одговорно!