Реал го сака голманот на Динамо Загреб

Хрватскиот голман Доминик Ливаковиќ блескаше на Светското првенство во Катар и за очекување е ова лето да направи трансфер.

Последните информации говорат дека интерес за него покажува Реал Мадрид, кој бара резервен голман за Куртоа.

Голманот на хрватската репрезентација има клаузула во договорот според која може да си замине доколку дојде соодветна понуда, а таа е во висина од 10 милиони евра.

Оваа сума воопшто нема да биде проблем за Реал, клучна фигура во целата приказна е Лука Модриќ. Тој е во блиски односи со Ливаковиќ и го препорачал на челниците на Реал.

Интерес за Хрватот постои и од клубови од Премиер лигата, но Реал е спремен да ја победи конкуренцијата.