Раниери: Гвардиола ќе дојде во Италија

Поранешниот тренер на Сампдорија, Клаудио Раниери верува дека порано или подоцна Пеп Гвардиола ќе дојде во Италија.

Гвардиола во кариерата беше тренер на Барселона и Баерн, а сега го води Манчестер Сити. Како тренер Пеп никогаш не работел во Италија, но Раниери верува дека во иднина тоа ќе се промени.

„Серија А е атрактивна и примамлива. Се вратија Мурињо, Алегри, можеби и Сари. Големи тренери работат во Италија. Штета што Конте го напушти Интер, но убеден сум дека Гвардиола порано или подоцна ќе води некој италијански тим“, изјави Раниери.

Она што Раниери го загрижува сега се слабите изданија на италијанските тимови на европска сцена во последните години, а детектираше и еден проблем.

„Мораме да направиме една работа што е можно побрзо. Мораме да го зголемиме темптоо на игра. Ако не го направиме тоа тешко дека ќе бидеме конкурентни на тимовите оод останатите силни лиги“, порача италијанскиот стратег.