Рамос блиску до потпис, но не за тој што се очекуваше

Серхио Рамос се уште е без нов договор со Реал Мадрид.

Договорот на капитенот на Кралевите е со важност до летото 2021. година и веќе наголемо се шпекулира за негово заминување од клубот.

Меѓутоа, Реал со сигурност ќе има предност во преговорите од останатите тимови, а Рамос во следниот период ќе стави и други потписи.

Рамос скоро целата кариера соработуваше со американскиот производител на спортска опрема Најк. Меѓутоа, наскоро би можел да потпише договор со друг бренд, а првите разговори се веќе направени.

Адидас, Пума и Њу Баланс веќе покажале интерес за Рамос. Наводно, Адидас е најблиску до договор и соработка со капитенот на Кралевите.