ПСЖ го казни Верати поради возењето во алкохолизирана состојба

ПСЖ официјално потврди дека го казни Марко Верати, бидејќи не одеше по правилата на клубот.

Играчот за врска на францускиот клуб беше притворен поради возење во алкохолизирана состојба ноќта од вторникот кон средата. Полицијата потврди дека во крвта на Италијанецот имало двојно повеќе алкохол од дозволеното.

Според пишувањето на францускиот спортски весник „L`equipe“, во крвта имало 0,49 промили алкохол. Францускиот закон пропишува максимално 0,2 промили алкохол додека возите. И покрај тоа што го наруши угледот и правилата на однесување, Верати нема да биде казнет со драконски парични казни како што најавуваа француските медиуми.

„Според правилата кои се предвидени во договорите на нашите играчи, Марко Верати ќе биде лишен од делот на месечниот етички бонус. Етичкиот бонус се доделува на играчи за правилно однеување во сите околности“, најави ПСЖ.

Марко Верати се извини на клупската управа и на навивачите, како и на стручниот кадар и остатокот на тимот. Тој ја призна грешката, но и понатаму му се заканува одземање на возачката дозвола на неопределено време.