Премиерлигашите испратија порака: Сега не е време за фудбал, ќе се вратиме кога ќе биде безбедно

Пандемијата со коронавирусот ги прекина сите спортски и фудбалски активности во Европа (освен Белорусија), а организаторите се мачат да пронајдат начин како сезоната да се заврши.

Погодена е и Премиер лигата секако, а клубовите од Премиер лигата се огласија со заедничко соопштение во кое порачуваат дека нема да играат фудбал додека не биде безбедно.

„Ковид-19 е голем предизвик кој носи неизвесност и нашите мисли се кај секој кој е погоден директно од овој вирус. Пораката од властите е јасна – останете дома и чувајте здравјето. Сите ние сакаме да му се вратиме на фудбалот што побрзо, но тоа ќе го направиме кога ќе биде безбедно. Знаеме дека навивачите имаат голем број прашања ама сега нема одговори. Сега не е време за фудбал, но фудбалот би можел да помогне во зајакнување на општеството и солидарноста“, стои во соопштението.

Последен пат фудбал во Премиер лигата се играше на 13. март.