Преговорите продолжуваат:Барса ја намали цената на Дембеле

Барселона е спремна да ја намали цената на Осман Дембеле за да го заврза неговиот трансфер во Манчестер Јунајтед, пренесуваат медиумите на Островот.

Со оглед на фактот дека Дембеле е резерва во тимот на Куман, Барселона е спремна да го пушти Французинот за 66 милиони евра.  Што е значително помалку од сумата од 104 милиони евра која Каталонците ја платија за него пред три години.

Се уште нема информации дали Јунајтед е подготвен да ја плати дури и оваа сума, бидејќи првично „црвените ѓаволи“ го сакаа Французинот само за позајмица со можна опција за купување.

Вчера се појавија голем број извештаи дека дури и Пол Погба го повикал својот сонародник да го убеди да ја прифати понудата, а преговорите меѓу двете страни продолжуваат.

Главна трансфер цел на Манчестер Јунајтед ова лето беше Џејдон Санчо од Борусија Дортмунд, но „црвените ѓаволи“ не успеаја да постигнат договор со германскиот тим.