Поранешниот германски репрезентативец ќе игра во четврта лига со плата од 2.5 милиони евра

Веројатно поголемиот дел од фудбалската јавност се сеќава на поранешниот фудбалер на Баерн Минхен, Холгер Бадштубер.

Бадуштбер кој со Баерн беше петкратен германски шампион и репрезентативец на Германија денес е член на Штутгарт. Овој фудбалер можеби ќе имаше и многу поголема кариера, но голем проблем му правеа повредите кои скоро и да му ја уништија кариерата.

И во редовите на Штутгарт тој стана вишок и во новата сезона ќе игра за Б-тимот на овој тим кој се натпреварува во четвртата лига. Ваквата информација немаше да привлече големо внимание ако не беше платата на Бадштубер.

Бадштубер во регионалната четврта лига ќе заработува плата од 2.5 милиони евра поради договорот претходно потпишан со Штутгарт. Многу веројатно тој сега е најплатениот фудбалер во една четврта лига во било која земја во светот.