Покетино лут поради срамната ситуација: Следниот пат сите ќе „летаат“ надвор!

И покрај победата од 6:0 и четирите гола на Кол Палмер, тренерот на Челзи, Маурисио Покетино имаше поради што да биде незадоволен.

Нони Мадуеке и Николас Џексон вчера ја расипаа сликата, изгледаа како да ги интересира само личниот учинок несвесни за големината и имиџот на клубот.

Мадуеке и Џексон беа во борба за топката кој сакаше да го земе пеналот на Палмер кој веќе постигна хет-трик. На крајот Палмер го изведе пеналот и го постигнач етвртиот гол .

По натпреварот Маурисио Покетино жестоко ги критикуваше своите фудбалери.

“Следниот пат сите ќе летаат надвор. Не се шегувам, ова е последен пат да се однесуваат вака. Неприфатливо е во еден вака одличен натпревар да гледаме детско однесување. Ако сакаме да бидеме одлична екипа, тогаш ние мора да научиме многу и да прифатиме дека поединците мора да размислуваат за тимот. Последен пат потенцирам дека Кол Палмер е нашиот изведувач на пенали“, заврши Покетино.

Незадоволството не го криеше и Палмер.

„Сакаа да шутираат пенал, но нивното однесување е недозволиво, бидејќи се знае дека јас сум првиот изведувач. Тие претераа, но подоцна се смеевме во соблекувалната“, изјави Палмер.