Позната првата трансфер желба на Барса – спремни 50 милиони!

Барселона и понатаму е активна во борбара за сите три трофеи, но е во тешка ситуација кога е Примера во прашање и се наоѓа пред елиминација во Лигата на шампиони.

Тоа значи дека на лето Каталонците ќе направат мала револуција во тимот, а шпанските медиуми тврдат дека првата трансфер мета е веќе позната, а тоа е фудбалерот на Арсенал, Хектор Белерин.

Белерин беше прогласен за еден од најдобрите играчи во Премиер лигата минатата сезона, а Барселона за него покажува инетерс уште од минатото лето.

Каталонските медиуми тврдат дека Барселона ќе направи се за да го донесе Белерин на „Камп Ноу“ следното лето, особено поради фактот што десната бековска позиција е „црна точка“ во тимот оваа сезона.

Цената на овој трансфер би требало да изнесува околу 50 милиони евра, а медиумите тврдат дека олеснителна околност за Барселона може да преставува фактот што Венгер најверојатно ќе го напушти Арсенал по завршување на сезоната.

Белерин е фудбалер кој поникна во школата на Барселона, па доколку се одлучи да го напушти „Емирати“ сигурно дека прва опција ќе му биде да се врати во каталонскиот гигант.