Пирло уште на почетокот направи гаф и ги насмеа навивачите на Јувентус

Андреа Пирло е именуван за нов тренер на Јувентус и уште на првото обраќање направи грешка.

Јувентус на изненадување на сите го именуваше Пирло за нов тренер, истиот ден кога Сари беше сменет после елиминацијата од ЛШ.

Поранешниот играч на Јувентус, но и на ривалите Интер и Милан, направи грешка уште на почетокот на својот мандат со објавата на Твитер.

„Среќен сум и горд што добив таква доверба од Јувентус. Подготвен сум за оваа фантастична прилика.“ – напиша Пирло.

Тој во објавата сакаше да го тагира Јувентус, но наместо @juventusfc напиша само @juventus. Станува збор за страница на некоја американска компанија која се занимава со здрав стил на живот кој вклучува и пластични операции.

Нормално, навивачите нема да му замерат за оваа ситна грешка. За нив е важо грешките да бидат минимални кога ќе седне на клупата на италијанскиот шампион.