Пиоли тврди дека Милан е оштетен: Таков пенал никогаш не би досудил

Милан вчера ремизираше против Аталанта 1:1, а по овој натпревар тренерот Стефано Пиоли не го криеше разочарувањето.

Пиоли смета дека Милна бил оштетен на оваа средба со пеналот кој бил досуден за Аталанта. Аталанта доби пенал по стартот на Жиру над Холм по еден корнер.

„Никогаш не би досудил таков пенал, беше премногу „мек“. Јолм прво се фати со рацете за глава и се виткаше жалејќи се дека е удрен во глава, а јасно беше дека нема контакт ниту во блицина со негово лице. Освен тоа, Орсато е судија кој има критериум да не се судат премногу прекршоци ако нема посилен контакт, не знам што се случи со овој старт. Во последно време има многу пенали против нас, за некои сме ние вивновни, но тука се и чудните судиски критериуми кои не ги разбирам“, изјави Пиоли.

Милан со ова реми остана на третото место на табелата со 13 бода заостанување и натпревар повеќе од Интер кој е лидер на табелата.