Перишиќ се договори со Јувентус

Како што пренесуваат италијанските медиуми, Иван Перишиќ од следната сезона ќе го носи дресот на Јувентус.

Договорот на Перишиќ со Интер истекува на крајот на сезоната, а „нероаѕурите“ неодамна му понудија нов двегодишен договор.

Перишиќ после финалето на Купот испрати порака до раководството и истакна дека со важни фудбалери како него не требало да го чекаат последниот момент за нов договор.

„Газета дело Спорт“ пренесува дека Першиќ е во напредни преговори со Јувентус и недостасуваат само детали.

Алегри го сака Хрватот, а „старата дама“ му понудила двегодишен договор со плата од 6 милиони евра по сезона, а во Торино ќе пристигне како слободен агент.