Претседателот на Реал Мадрид, Флорентино Перез даде опширно интервју за шпанските медиуми.
Меѓу другото Перез зборуваше и за Суперлигата, за која тврди дека проектот не е пропаднат и мора да продолжи да живее.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Направивме договор со сите 12 клубови и никој не може да замине. Суперлигата ќе продолжи. Ништо не пропадна. Две години работиме на проектот. Кога излеговме со планот, УЕФА ни се закани и англиските тимови се откажаа. Ја чекаме конечната одлука на Судот во Луксембург. Суперлигата живее, баравме да се повлечат сите ограничувања за Англичаните“, вели Перез.
„Суперлигата не е затворена, напротив, Севиља и Виљареал ќе имаат свое место во неа. Започнуваме од историјата која ја имаат тимови. Мора да започнете со оние клубови кои имаат најмногу навивачи. Натпреварите на Рома не привлекуваат толкаво внимание како меч на Јунајтед. Губиме осум милијарди, а Чеферин ја зголемува платата“, додаде Перез.
Учество во игри на среќа е дозволено за лица со 18+ години. Играј одговорно!