Пеле директен: Како не споредувате мене и Меси? Јасно е дека јас сум подобар!

Легендарниот фудбалер Пеле се огласи во јавноста и крена вистинска бура со изјавата наменета за Лионел Меси.

Многу често во фудбалската јавност се појавуваат споредби со денешните фудбалери и фудбалерите во минатото. Сега тоа го направи самиот Пеле кој тврди дека тој е подобар фудбалер од Меси.

Пеле освен што порача дека е подобар објасни и зошто смета така.

„Не ми е јасно како споредувате фудбалер кој игра со глава и шутира со двете нозе со друг фудбалер кој игра само со едната нога и не е добар со глава? Како не споредувате? Јасно е дека јас сум подобар. За да споредите некој со Пеле, тој некој треба да игра со двете нозе и да постигнува голови со глава“, порача Бразилецот.