Официјално: Монтела е нов тренер на Фиорентина!

Винченцо Монтела и официјално, по втор пат го презеде кормилото на Фиорентина и стави потпис на договор до 2021 година.

Синоќа Стефано Пиоли си поднесе оставка од тренерската позици, но Фиорентина експресно ја најде неговата замена.

Винченцо Монтела утринава пристигна во Фиренца и стави потпис на договор со јуни 2021 година со „виолетовите“.

После неуспешната авантура во Севиља, Монтела се враќа во Италија и тоа на местото каде ја доживеа својата тренерска афирмација.

Монтела претходно беше тренер на Фиорентина од 2012 до 2015 година, а со новиот договор годишно ќе заработува 1,5 милиони евра по сезона.