Откриено: Ова е главната трансфер цел на Гвардиола!

Пеп Гвардиола минатото лето пристигна во Сити и потроши повеќе од 200 милиони евра на засилувања, меѓутоа каталонскиот стратег ќе ја заврши сезоната без ниту еден освоен трофеј.

Поради тоа ова лето е спремен да донесе неколку нови фудбалери на „Етихад“ и повторно да потроши голема сума на пари. Се шпекулира дека Гвардиола на располагање ќе има буџет од 250 милиони фунти.

Во меѓувреме легендата на Барселона и голем пријател на Пеп, Чави открива која е најголемата трансфер желба на каталонскиот стратег.

Разговарам со Пеп и тој мисли дека е важно да се купуваат англиски играчи. Сигурен сум дека ова лето низ цела Европа ќе бара нови засилувања, но очекувам особено да погледне во Премиерлигата. Во моментов, најдобар англиски фудбалер, а и еден од најдобрите во Европа, е Деле Али”, открива Чави.

„Се работи за специјален играч, технички добро поткован. Тој е играч по мерка на Пеп, играч кој се вклопува во неговиот стил и филозофија. Сигурен сум дека Тотенхем нема лесно да се откаже од Деле Али, но Манчестер Сити има огромни ресурси”, додаде Чави.