Откриено кои два италијански клуба сакале да го доведат Де Роси – тој одбил било какви услови!

Легендарниот играч за врска на Рома Даниеле Де Роси оваа сезона после долги години ја напушти Рома, но ќе продолжи со играњето фудбал.

Де Роси во овој момент се наоѓа на одмор, после што ќе одлучи каде ќе продолжи.

Како што пренесува „Спорт Италија“, Милан и Фиорентина биле спремни да го ангажираат Де Роси и му ги претставиле своите понуди, но Италијанецот кратко им порачал дека нема намера за било какви суми и услови да преговара со клубови од Серија А. Таквиот пристап на Де Роси бил поради неговата почит кон Рома.

Освен италијанските клубови понуди за Де Роси испратиле Бока Јуниорс и Лос Анџелес. Капитенот и детето на Рома после 19 години го напушти клубот од „Олимпико“.

Со „волчицата“ Де Роси не успеа да биде шампион на Италија, но освои два купа на Италија и еден Суперкуп. Со репрезентацијата на Италија го освои трофејот на Светското првенство во Германија во 2006 година.