Ѕвездата на Наполи, Виктор Осимен, изјави дека во овие моменти не го интересира никаков трансфер и дека е целосно фокусиран на настапите за италијанскиот тим.
Осимен со неговите настапи привлече голем интерес од европските гиганти, а меѓу нив се Манчестер Јунајтед и Челзи.
Како е да се биде професионален Counter-Strike играч! ↓↓↓
Тој со 18 постигнати голови е прв стрелец во Серија А, а медиумите тврдат дека за него ќе пристигнат богати понуди на лето.
„Во моментов не ме интересира ниту Јунајтед, ниту Челзи. Ме интересира само Наполи и ништо друго. Што ќе се случи со мене и Наполи, ќе видиме на крајот на сезоната“.
„Нормално е европските гиганти да следат фудбалери кои се во форма, но тоа мене не ми создава притисок. Имаме многу работа во клубот и на одличен пат сме да направиме нешто големо оваа сезона“, кажа Осимен.