Одегард соработуваше со Зидан, сега го прокоментира неговото враќање во Реал

Талентираниот Мартин Одегард оваа сезона конечно започна да го прикажува неговиот потенцијал играјќи во првата лига во Холандија во дресот на Витесе.

Добрите настапи на фудбалерот од кој Реал Мадрид и фудбалскиот свет имаа големи очекувања наводно биле забележани од Ајакс кој покажал да го интерес да го ангажира.

Одгард во Реал Мадрид пристигна кога имаше 16 години и беше дел вториот тим на Реал, Кастиља каде што соработуваше и со Зидан. Одегард знае како е да се работи со Зидан, па сега даде свој коментар на оваа тема.

„Тоа што Зидан се врати навистина е позитивна вест за сите во клубот. Позитивна е во секој поглед, тој имаше голем успех и знае како работи клубот. Според мене неговото враќање беше најдобриот избор во овие моменти. Неговото враќање е исто така добра работа и за мене бидејќи ние двајца одлично соработувавме и јас знам што тој бара од играчите“, изјави Одегард кој сега како 20 годишник се надева дека ќе добие нова шанса во Мадрид.