Вчера во италијанските медиуми се појави информација дека Наполи е задоволен од Елмас и ќе му го продолжи договорот до 2025 година, таа информација ја потврди и спортскиот директор на клубот од Неапол, Кристијано Џунтоли.
Елмас е една сезона во Наполи и зад себе веќе има еден трофеј во Купот на Италија, а брзо ги освои и симпатиите на раководството. И вчера против Џенова натпревар во кој Елмас беше стартер одигра сосема добро. Во осмата минута постигна и гол, меѓутоа после реакција од ВАР собата тој беше поништен.
Од лозје до чаша: Уметноста на виното со Теодор Бојаџиев | Уште еден поткаст
Џунтоли во изјава за италијанските медиуми истакна дека клубот работи на продолжување на договорите на Елмас, Ди Лоренцо, Марио Руи, Зиелински и Максимовиќ и според него се треба брзо да се заврши.
„Клубот работи на продолжување на договорите со Елмас, Зиелински, ДИ Лоренцо, Максимовиќ и Марио Руи. Очекуваме работата брзо да се заврши“, изјави Џунтоли.
Учество во игри на среќа е дозволено за лица со 18+ години. Играј одговорно!