Новото засилување на Реал Мадрид повторно се повреди

Новиот напаѓач на Реал Мадрид, Лука Јовиќ повторно се повреди и најверојатно ќе се рехабилитира најмалку две недели.

Јовиќ заработи повреда за време на квалификацискиот натпревар помеѓу Србија и Португалија во саботата.

Станува збор за повреда на десниот глужд поради која ќе мора да одмара најмалку десетина дена, потврдија српските медиуми.

Јовиќ немаше среќа и заработи повреда само за неколку минути поминати на теренот, со оглед на фактот што во игра влезе во 87-та минута.

Ова е втора повреда за Србинот откако летово пристигна во Реал Мадид. Најпрво се повреди во пријателски дуел во претсезоната.