Новата ѕвезда на Интер за понудата од Њукасл: Малкумина можат да ја одбијат

Робин Госенс во зимскиот преоден рок ја напушти Аталанта и се пресели во Интер, но на маса имаше богата понуда и од Њукасл.

Германскиот репрезентативец потпиша 4,5 годишен договор со „нероаѕурите“, но откри дека малкумина би можеле да ја одбијат понудата од Њукасл.

Госенс се пресели на „Џузепе Меаца“ на 18-месечна позајмица со задолжителен откуп за 25 милиони евра.

„Верувам дека нормално е да се размислува за тоа. Кога можете да заработите повеќекратно повеќе за истата работа на друго место, ретко може да кажете „Не, благодарам“. Со парите кои ќе ги заработев во Њукасл можев да ја обезбедам и генерацијата после мене во семејството“, искрен е Госенс.