Новак Ѓоковиќ остана без еден од своите најголеми спонзори

Еден од најголемите спонзори на Новак Ѓоковиќ, компанијата Пежо одлучи да ја прекина соработката со српскиот тенисер.

Иако од „Пежо“ првично порачаа дека нема да ја раскинат соработката со Ѓоковиќ, тоа што не е вакциниран и неможноста да настапи на Австралија Опен, донесе загуби за компанијата.

Од „Пежо“ немале намера да чекаат да се олеснат мерките во светот, па со оглед на тоа дека Ѓоковиќ нема да игра ниту на Индијан Велс и Мајами одлучиле да стават крај на соработката. Првите мечеви оваа година Ѓоковиќ ги одигра во Дубаи каде што беше поразен во четвртфиналето од Јиржи Весели.