Нејмар откри зошто сакаше да си замине од ПСЖ

Најскапиот фудбалер на светот, Нејмар ова лето беше во центарот на вниманието поради „трансфер сагата“.

Бразилецот сакаше по секоја цена да си замине од ПСЖ и да се врати во Барселона, но на крајот трансферот не се реализираше.

Двата клуба не можеа да најдат заеднички јазик околу обештетувањето, па Нејмар остана во Париз, а сега конечно откри зошто сакал да си замине од ПСЖ.

„Кога не си среќен, без разлика на работата, се обидувате да најдете некоја промена и место каде повторно ќе бидете среќни и задоволни. Тоа се обидов и јас да го направам, но на крајот сепак останав во Париз“.

„Како што веќе изјавив, ќе дадам се од себе во дресот на ПСЖ. Сега се е добро и среќен сум. Добро ја почнав сезоната и тоа е најважно. Сакам да помогнам да освоиме што е можно повеќе трофеи сезонава“, изјави Нејмар.