Нејмар: Емери е одличен тренер, му посакувам се најдобро

Бразилскиот репрезентативец и член на ПСЖ, Нејмар на пресконференцијата зборуваше многу убави работи за поранешниот тренер, Унаи Емери.

Иако во времето кога Емери беше тренер на ПСЖ се зборуваше дека тие двајца не се во најдобри односи, изгледа дека сето тоа Нејмар го демантираше на пресконференцијата на бразилската репрезентација. Тој зборуваше за Емери и неговата нова авантура во Арсенал само со суперлативи.

„Арсенал игра одличен фудбал. Во одлична серија се и сите знаат дека Емери е одличен тренер. Среќен сум што имав среќа да работам со него, бидејќи е навистина одличен. Тој навистина уживаше додека не тренираше и додека учеше нови нешта во фудбалот. Мислам дека на Арсенал ќе му донесе убави работи. Му посакувам се најдобро“, изјави Нејмар.

Потсетуваме, Нејмар и Бразил вечерва го играат пријателскиот натрпевар против Уругвај, а натпреварот ќе биде одигран на „Емирати“ во Лондон.