Нема крај на лошите вести за ПСЖ: Покрај Кавани уште еден играч е „аут“ за мечот со Јунајтед

Нови лоши вести пристигнаа за Пари Сент Жермен кој ќе биде буквално десеткуван за мечот со Манчестер Јунајтед во Лигата на шампиони.

Порано денес пристигна официјално соопштение дека Кавани е повреден и сигурно ќе го пропушти првиот меч со Манчестер Јунајтед, а неизвесен е и за реваншот.

Сега пристигнаа нови лоши вести. Имено, дуелот во ЛШ против Манчестер Јунајтед сигурно ќе го пропушти и Тома Муние, кој на синоќешниот натпревар против Бордо доживеа потрес на мозокот.

Потсетуваме, од поодамна е познато дека „светците“ за овој меч нема да можат да сметаат на Нејмар и Верати кои се во „аут“ поради повреда.