Најголемиот страв во Барса пред Баерн – Меси!

Иако тренерот на Барселона Кике Сетиен изјави дека Лео Меси ќе биде спремен за настап во четвртфиналето од Лигата на шампионите после ударот од Кулибали на натпреварот против Наполи над „Ноу Камп“ се појавија сомневања.

Аргентинецот го пропушти денешниот тренинг, а шпанските медиуми пишуваат дека Меси нема да тренира се до ден пред натпреварот со Баерн кој се игра во петок.

Навивачите стравуваат дека Меси нема да биде спремен да го пружи својот максимум, но во Барса одлучиле го поштедат за да се опорави на време.

Иако се стравуваше дека во прашање е контузија на ногата станува збор за поголема модрица.

Натпреварот во Лисабон се игра во петок од 21:00 часот.