Навивачите на Ливерпул јасно кажаа кого сакаат за наследник Клоп

Веќе е добро познато дека по завршувањето на сезоната, Јирген Клоп ќе го напушти Ливерпул. Заминувањето Клоп го најави пред неколку недели, па така клубот од „Енфилд“ ќе мора да му пронајде адекватна замена.

Навивачите јасно си кажаа кого сакаат, а тоа е Чаби Алонсо. Шпанецот во овој момент е и најголем фаворит за наследник на германскиот стратег.

Островските медиуми направија анкета во која дури на 63% од навивачите на Ливерпул одговориле дека сакаат Алонсо да го замени Клоп.

Зад Алонсо е Стивен Џерард, но само со 18%, потоа следи Пеп Лијндес (помошник на Клоп) со 8%, па Роберто Де Зерби со 4%, а по 2% гласови добиле Јулијан Нагелсман, Рубен Аморим и Томас Франк.