Милан тргнува по Себаљос

Шпанскиот плејмејкер Дани Себаљос е најновата желба на директорот на Милан, Паоло Малдини, пренесуваат италијанските медиуми.

Себаљос оваа сезона ја помина на позајмица во Арсенал и покажа добри партии во Премиер лигата, па Милан смета дека би бил идеално засилување за средниот ред.

Анчелоти нема да смета на неговите услуги и дал „зелено светло“ за продажба, а Милан сака да ја искористи таквата ситуација.

Двата клуба се во одлични односи и се верува дека брзо можат да стигнат до договор, а трансферот треба да изнесува 15 милиони евра.