Милан се приклучи во трката за Пулишиќ

Италијанскиот шампион Милан е силно заинтересиран за крилниот фудбалер на Челзи, Кристиан Пулишиќ, тврдат медиумите на Островот.

23-годишниот офанзивен фудбалер не беше стартер во тимот на Тухел, но и со промената на тренерот неговиот статус не се промени.

Поради тоа Пулишиќ сака да ја промени средината, а таквата ситуација  е спремен да ја искористи Милан, кој бара засилување на десната крилна позиција.

Неговиот договор со Челзи е до јуни 2024 година, а англискиот клуб за неговата слобода бара 35 милиони евра.

Милан ќе се обиде да го донесе во јануари на позајмица со право на откуп на крајот на сезоната.