Милан има план за Донарума, но што ќе каже Раиола?

Mилан има план за Џанлуиџи Донарума.

Еден од главните играчи на Милан во новиот проект е голманот Донарума.

Одличниот голман пред две сезони беше на чекор од заминување од клубот, но тогаш потпиша нов договор и покрај спротивната желба на неговиот менаџер Мино Раиола остана во клубот.

Тогаш Донарума се обврза на верност на Милан до летото 2021 година, меѓутоа „росонерите“ сакаат со новиот договор да го задржат барем до 2024 година, пренесува „Калчомеркато“.

Главна препрека во целата приказна е Мино Раиола кој не посакува таков расплет бидејќи сака да заработи голема сума од потенцијалниот трансфер на Донарума.

Донарума во овој момент заработува шест милиони евра годипно, Милан би морал да му даде најмалку еден милион повеќе за да го убеди Италијанецот да остане во матичниот клуб.