Меси со хет-трик ја сруши Боливија 🎥

Репрезентацијата на Аргентина изминатата ноќ на свој терен ја совлада Боливија со 3:0 во квалификациите за Светското првенство.

Аргентина во Буенос Аирес одигра одличен натпревар пред своите навивачите, а фантастичен беше Лионел Меси кој постигна хет-трик.

Домаќините поведоа уште во 14. минута кога Паредес го проигра Меси кој одлично помина покрај еден играч на Боливија и погоди за 1:0. Меси во центарот на вниманието беше и во 64. минута. Капитенот на Аргентина одигра одлична акција со Лаутаро излезе сам пред голмнанот на Боливија и без проблеми зголеми на 2:0.

Точка на овој натпревар се стави во 88. минута кога Меси го заокружи својот одличен натпревар. Овој пат се најде на вистинското место откако голманот на Боливија одби една топка.