Меси денес го стигнува Чави: Чест ми е што ќе ме помине најдобриот во историјата

Лионел Меси денес ќе го изедначи рекордот на Чави Ернандез по бројот на одиграни натпревари во дресот на Барселона.

Легендарниот капитен на Барселона од 1998 до 2015 година одигра дури 767 натпревари.

„Да, мораше да биде вака и треба да биде Меси. Тој е најдобриот играч во историјата на клубот и тој кој најмногу пати ќе го облече дресот на Барселона. Чест ми е што ќе ме помине најдобриот играч во историјата на фудбалот“, изјави Чави од Доха откако ја прослави титулата со неговиот Ал Сад.

Чави и Меси заедно беа дел од една од најславните генерации на Барселона.