Манчестер Јунајтед веќе започна да бара замена за Пол Погба бидејќи Французинот влезе во последната година од договорот и засега одбива да ја продолжи соработката.
„Црвените ѓаволи“ ќе направат се за да го задржат Погба на „Олд Трафорд“, но информациите се дека тој одлучил следното лето да ја промени средината како слободен агент.
Дејан Димовски: Скопје троши 700 литри вода дневно по жител | Уште еден поткаст ↓↓↓
Раководството веќе почна да бара замена за Французинот, а прва желба е Јури Тиелеманс од Лестер.
24-годишниот белгиски репрезентативец ја игра четвртата сезона во Лестер и е еден од клучните фудбалери во тимот. Тиелеманс има договор на уште две години со „лисиците“, но е спремен за чекор напред во кариерата, па Јунајтед стапил во контакт со неговиот агент.
Притоа, се погласни се шпекулациите дека Брендон Роџерс ќе го замени Солскјер на кормилото, па тренерот сака заедно со себе на „Олд Трафорд“ да го донесе Белгиецот.
Учество во игри на среќа е дозволено за лица со 18+ години. Играј одговорно!