Погба може да си оди, Јунајтед најде замена

Се поизвесно е дека Пол Погба на крајот на сезоната ќе го напушти Манчестер Јунајтед, а медиумите на Островот тврдат дека „црвените ѓаволи“ веќе нашле замена.

Французинот влезе во последната година од договорот и засега одбива да ја продолжи соработката, а Јунајтед нема намера да го убедува, па веќе почна да бара замена.

Според англиските медиуми, прва желба е Јури Тиелеманс од Лестер. 24-годишниот белгиски репрезентативец ја игра четвртата сезона во Лестер и е еден од клучните фудбалери во тимот.

Тиелеманс има договор на уште две години со „лисиците“, но е спремен за чекор напред во кариерата, па Јунајтед стапил во контакт со неговиот агент.