Манчестер Јунајтед го „краде“ најголемиот талент на Сити

Манчестер Јунајтед ќе го привлече најголемиот талент од академијата на Манчестер Сити, тврди „Дејли Мејл“.

Станува збор за 16-годишниот напаѓач Чарли Мекнил, кој досега има постигнато над 600 голови во својата кариера.

Младиот Англичанец одби да потпише професионален договор со „граѓаните“ и од „Олд Трафорд“ веќе се обидуваат да го натераат да ја продолжи кариерата во Јунајтед. Двата клуба веќе преговараат за условите за обештетување.

Ако не успеат да постигнат договор, случајот може да стигне до суд. Клубот од „Етихад“ се обидува да вклучи клаузули поврзани со идните настапи на големиот талент.

Мекнил е голем фан на Јунајтед и првично играше за детските екипи на „црвените ѓаволи“, но му се придружи на Сити пред шест години. Минатиот месец, тој на социјалните медиуми објави дека решил да го напушти клубот.

View this post on Instagram

Massive thank you to @mancity for everything over the past 6 years. It’s been such a pleasure to play with some amazing players and made some amazing friends to. Thanks to all the staff and players for helping me develop as a player and also as a person. I wish everyone the very best, thank you?

A post shared by Charlie McNeill (@charliemcneill9) on Jun 5, 2020 at 1:57pm PDT