Македонија годината ја завршува за три места подобро од минатата

Иако репрезентацијата на Македонија обезбеди пласман на Европското првенство кое ќе се игра идното лето на ФИФА ранг листата во однос на минатата година напредувавме само три места.

Македонија како и минатиот месец и во последниот ќе ја заврши како 65. Селекција во светот.

Од нашите противници во квалификациите најдобро пласирана секако е Германија која е 13. Потоа Романија е 37, Исланд 46, Ерменија 99, а Лихтенштајн 181.

На врвот лидер останува Белгија, а во топ 10 се уште: Франција, Бразил, Англија, Португалија, Шпанија, Аргентина, Уругвај, Мексико и Италија.