Магионичарот на Реал „му го сврте паметот“ на противникот со неверојатен потег

Репрезентациите на Шпанија и Швајцарија синоќа одиграа пријателски натпревар во рамките на подготовките за Светското првенство во Русија.

Дуелот на „Ел Мадригал“ заврши со резултат 1:1, но потегот на фудбалерот на Шпанија, Лукас Васкез од финишот на натпреварот во исто време и ги воодушеви и ги збуни сите оние кои го гледаа овој натпревар.

Имено, овој крилен фудбалер на Реал Мадрид со фантастичен потег му ја подаде топката на Родриго, кој, сепак, не успеа оваа акција да ја круниса со гол.

Волшебниот трик на Васекз апсулутно ги збуни дефанзивците на Швајцарија, но на нивна среќа Родриго не успеа да го совлада голманот на гостинската екипа.