Лукаку: Треба да бидеме ментално посилни

Ромелу Лукаку во натпреварот против Борусија Менхегладбах ситгна до нов рекорд.

Одличниот белгиски напаѓач беше стрелец на два гола, но тоа не му помогна премногу на Интер затоа што натпреварот против Борусија заврши без победник 2:2.

После мечот Лукаку упати критики и откри кој е најголемиот недостасток на Интер во овој момент.

„Ние мора да продолжиме да работиме и да бидеме психички посилни бидејќи ова не е лесен момент за нас и мора да продолжиме да веруваме во нашиот квалитет“.

„Сега треба да бидеме посилни, пред се ментално, да бидеме подобри во одбраната, затоа што примивме два гола поради нашите грешки. Направивме толку многу грешки, исто пропуштивме многу шанси во нападот, ако не ги искористиме, ќе платиме на ова ниво“, порача Лукаку.