Лоши вести за Реал – Без капитенот на Светското клупско првенство

Капитенот на Реал Мадрид, Серхио Рамос ќе го пропушти Светското клупско првенство поради проблеми со повредата, пренесуваат странските медиуми.

Рамос тренингот на својата екипа во Абу Даби мораше да го напушти затоа што почуствувал повреда во пределот на листот и тој ќе мора да ги пропушти натпреварите на Светското клупско првенство. Клубот наводно не сака да ризикува со него и сака да го чува за многу поважните натпревари.

Потсетуваме, Реал Мадрид во полуфиналето игра против Ал Џезира денеска од 18:00 часот, а доколку се пласира во финалето ќе игра против Гремио кој претходно го победи Пачука со 1:0 во првиот полуфинален натпревар.

Инаку, Светското клупско првенство е натпреварување во кое учествуваат седум тимови од шест континенти, но секако дека разлиакта во квалитетот е огромна и екипите од Европа и Јужна Америка доминираат. Како и секоја година, така и оваа, голем фаворит ќе биде европска еипа, а особено поради тоа што станува збор за Реал Мадрид.