Лион ја постави цената за Депај

Ѕвездата на Лион, Мемфис Депај и официјално испрати порака до клупските челници дека сака да биде продаден ова лето.

Најсилен интерес за Депај покажува Барселона, бидејќи Холанѓанецот е голема желба на новиот тренер Роналд Куман.

„Мундо Депортиво“ тврди дека Каталонците веќе започнале преговори со Лион и сакаат што побрзо да го компетираат трансферот.

Француските медиуми тврдат дека Лион ја поставил целата и за својата ѕвезда бара 30 милиони евра. Холанѓанецот влезе во последната година од договорот, па францускиот клуб не може да бара поголема сума.

Каталонските медиуми тврдат дека Барса е спремна да ја плати таа сума и да го комплетира трансферот во наредните денови.