Легендите остануваат вечно: Ван Перси ја заврши кариерата! (ВИДЕО)

Робин Ван Перси ја заврши кариерата.

Легендарниот холандски фудбалер денес во дресот на Фејенорд го одигра последниот натпревар во кариерата, а навивачите му приредија фантастично испраќање.

Ван Перси играше до судиското продолжение. Тренерот на домаќините Џовани Ван Брохорст зачува една измена за навивачите да го испратат во голем стил.

Тоа и се случи. При неговото излегување доби големи овации, а му беше посветен и еден транспарент.

„Легендите остануваат засекогаш“…

Холанѓанецот е дете на Фејенорд. Помина тука пет сезони, а во 2004 година премина во Арсенал каде што стекна големо име и почит. За Арсенал одигра 278 натпревари и постигна 123 гола, а потоа ги налути навивачите на овој клуб кога одлучи да потпише за Манчестер Јунајтед.

Силно го посакуваше трофејот во Премиер лигата, а со Арсенал тоа никако не му успеваше. Со Манчестер Јунајтед го подигна пехарот уште во првата сезона.

На „Олд Трафорд“ остана три сезони потоа играше во Фенербахче, за во 2017 гофина да се врати во Фејенорд каде денес завршува со професионалното играње фудбал.

De laatste twee jaar weer mogen genieten van @Persie_Official in @DeKuip! Vandaag kwam deze grootse voetballer helaas voor het laatst in actie! 3️⃣2️⃣ #RVPLegend #Feyenoord ?⚪️⚫️ pic.twitter.com/L8ftdM8oYS

— Gerry Dekker (@gerrydekker) May 12, 2019